اتكَولون الذنب ذنب البنات ....

اتكَولون الذنب ذنب البنات ....

وبالهوى اتكَولون ما عدهن وفه

كَلوبهن ترفه ورقيقات النساء....



الله خالقهن حنان وعاطفه

الف هنياله اليحب طيبه صفات.....

والف هنياله اللي على اديها غفه

رقه واحساس وصوت موسيقى وجمال....

ليش ادم ما حمل هاي الصفه

عله كيفك وي قوارير الزجاج.....

ولا تخليها بمهب العاصفه

بهيده وي حواء مو ذني البنات.....

اجفوفهن لجروحكم بيها الشفه

تدري شيحس الكَلب لو هنه يوم....

يمرن من كَبالك طيور مزلفه

وتدري عينك تفرح وبيهن تشوف....

لوحه من ربك جميله مزغرفه

وانت يلي اتكَول باعتني برخيص.....

انت مو كَد الهوى ولا تعرفه

الغزال ارهيف وبسرعه يطيح....

من تتعبه وفوكَ حمله اتكلفه

الذنب ذنبك انت للفركَه اعتنيت....

وجان كَلب الحلوه بيدك واختفى

هي جانت كَمر وبدربك ينور....

وانت خليت الكَمر بيدك طفه

وانت يلي اتكَول ما وافت وياي ....

اسالت نفسكـ ليش لمن عافتك

جان ما بعدت ولا عنك تروح....

كونك اتحبها مثل ما حبتك

تذكر العشره وبدايتها الدموع.......

وذيج لهفتها التعادل لهفتك

لا تشهر بالتحبها بالكلام....

واذكر جفوف الي مسحت دمعتك

احفظ السانك تره باجر اتعود.....

الصحبه حوبه ولا تضيع صحبتك

خلي خط رجعه ولا تبغظ عزيز......

ايعود للروح العشك مهما اختفى

اتزعل الحلوه الرقيقه بلا ذنوب.....

لا تخليها الم تصبح عليك

اشتريها بكلمه واصدق بالكلام

اتضحي بالدنيا كلها وتشتريك.....

المهره يهل الهوى من خيالها

وما تكَرب للضعيف كَبالها.......

الخسرها يكول خانتني وبقيت

والربحها شاطر ويشغل بالها.......

اطيور جنه وتمشي عالكَاع البنات
واليزعلهن قليل المعرفه.......

هنه الكم وانتو الهن للمات

بغير عشه الطير ما نام ودفه.......

لا اتكَولون الذنب ذنب البنات

وبالهوى اتكَولن ما عدهن وفه

كَلوبهن طيبه ورقيقات النساء

الله خالقهن حنان وعاطفه