ابوذيات ,,,,,,,,,,

صحت ياويل من هجرك ... دواني
حزين وبس دمع عيني ... دواني
يهل تنشد علي آني ... دواني
من شيعة علي حامي الحمية




يدنية شبيچ بس وياي ... تچفين
وعليه بكل وكت ياحيف ... تچفين
انه مچفن ولا أحتاج ... تچفين
دواي انته وﮔطعت الوصل بيه




انه منك تراني وأنت ... مني
وأماني العمر بيدك وأنت ... مني
كلساع انه أجيلك وانته ... مني
لچن ياحيف ماتوكع بدية




ﮔلبي ماهوه الغيرك ... فلاراد
اسلبت حته العﮔل مني ... فلاراد
اخابر واتنه چم مرة ... فلاراد
طلع زعلان يدلل عليه




متت ياصاح الف موته ... بعدكم
ياحيف الوكت عني ... بعدكم
تحنون وتذكرونة ... بعدكم
لو احنه انسينة هاي هيه